Punjabi - ਪੰਜਾਬੀ

ਡਬਲਯੂ ਸੀ ਏ ਟੀ, ਅਪੀਲ ਕਰਨ ਲਈ ਇਕ ਟ੍ਰਿਬਿਊਨਲ ਹੈ ਜੋ ਕਿ ਰਿਚਮੰਡ, ਬ੍ਰਿਟਿਸ਼ ਕੋਲੰਬੀਆ ਵਿਚ ਸਥਿਤ ਹੈ। ਡਬਲਯੂ ਸੀ ਏ ਟੀ, ਬ੍ਰਿਟਿਸ਼ ਕੋਲੰਬੀਆ ਦੇ ਵਰਕਰਜ਼` ਕੰਪਨਸੇਸ਼ਨ ਸਿਸਟਮ ਵਿਚ ਅਪੀਲ ਦਾ ਆਖਰੀ ਪੱਧਰ ਹੈ ਅਤੇ ਇਹ ਵਰਕਸੇਫ ਬੀ ਸੀ ਤੋਂ ਆਜ਼ਾਦ ਹੈ।

ਡਬਲਯੂ ਸੀ ਏ ਟੀ, ਰਿਵੀਊ ਡਿਵੀਜ਼ਨ ਦੇ ਬਹੁਤੇ ਫੈਸਲਿਆਂ ਬਾਰੇ ਅਪੀਲਾਂ ਸੁਣਦਾ ਹੈ। ਰਿਵੀਊ ਡਿਵੀਜ਼ਨ, ਮੁਆਵਜ਼ੇ, ਕਿੱਤੇ `ਤੇ ਮੁੜ ਬਹਾਲੀ, ਅਸੈੱਸਮੈਂਟਾਂ ਅਤੇ ਕੰਮਾਂ `ਤੇ ਸਿਹਤ ਅਤੇ ਸੁਰੱਖਿਆ (ਰੋਕਥਾਮ) ਨਾਲ ਸੰਬੰਧਿਤ ਵਰਕਸੇਫ ਬੀ ਸੀ ਦੇ ਬਹੁਤੇ ਫੈਸਲਿਆਂ ਬਾਰੇ ਪਹਿਲੇ ਪੱਧਰ ਦਾ ਰਿਵੀਊ ਪ੍ਰਦਾਨ ਕਰਦਾ ਹੈ। ਰਿਵੀਊ ਡਿਵੀਜ਼ਨ ਦੇ ਕੁਝ ਫੈਸਲੇ ਡਬਲਯੂ ਸੀ ਏ ਟੀ ਕੋਲ ਅਪੀਲ ਨਹੀਂ ਕੀਤੇ ਜਾ ਸਕਦੇ।

ਡਬਲਯੂ ਸੀ ਏ ਟੀ, ਵਿਤਕਰੇ ਦੀਆਂ ਸ਼ਿਕਾਇਤਾਂ ਅਤੇ ਕਲੇਮਾਂ ਨੂੰ ਮੁੜ ਖੋਲ੍ਹਣ ਲਈ ਅਰਜ਼ੀਆਂ ਨਾਲ ਸੰਬੰਧਿਤ ਵਰਕਸੇਫ ਬੀ ਸੀ ਦੇ ਫੈਸਲਿਆਂ ਬਾਰੇ ਸਿੱਧੀਆਂ ਅਪੀਲਾਂ ਦੀ ਸੁਣਵਾਈ ਵੀ ਕਰਦਾ ਹੈ। ਡਬਲਯੂ ਸੀ ਏ ਟੀ, ਕਾਨੂੰਨੀ ਕਾਰਵਾਈਆਂ ਲਈ ਸੰਬੰਧਿਤ ਧਿਰਾਂ ਦੇ ਦਰਜੇ ਨਾਲ ਸੰਬੰਧਿਤ ਸਰਟੀਫਿਕੇਟ ਵੀ ਅਦਾਲਤ ਨੂੰ ਦਿੰਦਾ ਹੈ।

ਅਸੀਂ ਆਪਣੀ ਕੁਝ ਜਾਣਕਾਰੀ ਦਾ ਅਨੁਵਾਦ ਪੰਜਾਬੀ, ਚਾਇਨੀਜ਼ -ਟ੍ਰੈਡੀਸ਼ਨਲ, ਅਤੇ ਚਾਇਨੀਜ਼ - ਸਿੰਪਲੀਫਾਇਡ ਵਿਚ ਕੀਤਾ ਹੈ। ਇਹ ਹਨ:

• ਰਿਵੀਊ ਡਿਵੀਜ਼ਨ ਦੇ ਕਿਸੇ ਫੈਸਲੇ ਵਿਰੁੱਧ ਅਪੀਲ ਕਰਨ ਲਈ ਵਰਕਰ ਦੀ ਗਾਈਡ
• ਰਿਵੀਊ ਡਿਵੀਜ਼ਨ ਦੇ ਕਿਸੇ ਫੈਸਲੇ ਵਿਰੁੱਧ ਅਪੀਲ ਕਰਨ ਲਈ ਇਮਪਲੌਏਅਰ ਦੀ ਗਾਈਡ
• ਉੱਤਰਦਾਇਕ ਦੀ ਗਾਈਡ
• ਜ਼ਬਾਨੀ ਸੁਣਵਾਈ ਬਾਰੇ ਗਾਈਡ
• ਲਿਖਤੀ ਦਲੀਲਾਂ ਦੇਣ ਬਾਰੇ ਗਾਈਡ
• ਡਾਕਟਰੀ ਸਬੂਤਾਂ ਬਾਰੇ ਗਾਈਡ
• ਫੈਸਲੇ ਤੋਂ ਬਾਅਦ ਲਈ ਗਾਈਡ

ਚਿਤਾਵਨੀ: ਵਰਕਰਜ਼` ਕੰਪਨਸੇਸ਼ਨ ਦੇ ਕਿਉਂਕਿ ਬਹੁਤ ਸਾਰੇ ਤਕਨੀਕੀ ਲਫਜ਼ ਹਨ, ਇੰਟਰਨੈੱਟ `ਤੇ ਅਨੁਵਾਦ ਦੇ ਕਿਸੇ ਵੈੱਬਸਾਈਟ ਦੀ ਵਰਤੋਂ ਕਰਨ ਨਾਲ ਸਾਡਾ ਵੈੱਬਸਾਈਟ ਜੇ ਸਮਝਣਾ ਅਸੰਭਵ ਨਹੀਂ ਤਾਂ ਔਖਾ ਜ਼ਰੂਰ ਬਣ ਸਕਦਾ ਹੈ। ਡਬਲਯੂ ਸੀ ਏ ਟੀ ਇਸ ਚੀਜ਼ ਦੀ ਗਰੰਟੀ ਨਹੀਂ ਦਿੰਦਾ ਕਿ ਅਜਿਹਾ ਅਨੁਵਾਦ ਸਹੀ ਹੋਵੇਗਾ।